سیاہ رنگ کی قید

مرشد۔۔!! میری ذات کا کچھ حصہ باقی بچا ہے کیا..؟؟ میں تو خود ہی بھول گیا ہوں ۔۔!! کہ کب سے سیاہ رنگ کے قفس میں ہوں ۔۔!! یہاں تک مجھے یاد پڑتا ہے۔۔!! ایک دہائی گزرنے والی ہے۔۔!! جب سے میں نے زندگی کے رنگوں کو ہاتھ لگا کر نہیں دیکھا ہے۔۔!! اگر غلطی سے لگا بھی لوں تو کچھ ہی لمحوں بعد مجھے اُلجھن ہونا شروع ہوجاتی ہے۔۔!!!میں پھر سے اُسی سیاہ رنگ کی قید میں آجاتا ہوں ۔۔!! شاید یہ میرے اندر کا اندھیرہ ہے۔۔!! جو روشنی سے ڈرتا ہے۔۔!! ممکن ہے یہ میرے بوسیدہ خیالات ہوں۔۔!! جو موسموں کے بدلتے رویوں کو جھیل نہیں پاتے ہیں۔۔!! لیکن اب اِک عمر گزر جانے کے بعد میں اِس رنگ سے بھاگنا چاہ رہا ہوں ۔۔!! مگر یہ سیاہ عشق میرے پاؤں کو کسی زنگ آلود زنجیر کے جیسے جکڑے ہوئے ہے۔۔!! مسئلہ اِس کا بھی نہیں ہے !! شاید میں اِس کے قفس سے نکل بھی جاؤں ۔۔!! لیکن میں اِس سے نکل کر جاؤں کہاں۔۔؟؟؟ میری ذات ۔۔!!! میری ذات کہاں ہے...؟؟🖤🍁